سبحان الله فى ناس بنقول عليهم غلطه و جلطة و ناس بنقول عليهم فلته

سبحان الله  فى ناس بنقول عليهم غلطه  و جلطة  و ناس  بنقول عليهم  فلته و مش هتتكرر  ملائكة و مش هتتغير و يا سبحان الله  وتتمنى انك عرفتهم من الاول 
و ناس لما تعرفهم تعقد تفكر
و ناس لما تنساهم  تحمد  ربك  تفرح و تذكر 
و ناس لما تشوفهم  تقول سبحان من خلق و صور
و ناس لما تسمعهم  تقول كنت فين من زمان  يارب  دول عاملين زى السكر

تحياتى
#MZanaty

جيل الجامعات الان فاهم الجامعة غلط

بالنسبه  للجيل الجديد اللى فى الجامعات  انتوا فاهمين الجامعة غلط
الطلاب بتوع الكليه او الجامعة   مش لما تشوف بنت  هتقعد تتكلم معها تبقى حبيبتك  و مش لما تضحك عليها تقولها بحبك يبقى دا حقيقى  وانت بتقول كلمه بحبك ل مليون واحدة تانيه  و بردوا كذلك البنات
انتى يا حجه انتى  مش جاية علشان تسرحى مع الشباب  .     ابوك و امك  انت  و هى   طلعان  عين اللى خلفوهم علشان يدفعوا مصاريف ام الكليه بتاعتكم  لو عندك دم اقعد ذاكر و جيب تقدير   حتى لو اتخرجت  و ملاقتش شغل يبقى علمت اللى عليك  مضيعتش  فلوسهم هباء
المهم انك ذاكرت و  حققت اللى هما كانوا عاوزينوا  و لما تتخرج  وتشتغل و يطلع عينك علشان  تاخد  الحد الادنى اللى  انت مش هتشوفه اصلا  . هتحمد ربنا  و هتروح تبوس ايد  ابوك وامك  علشان تعرف  انهم كانوا  بيقطعوا فى هدومهم علشان  انت تلبس احسن لبس  و يمنعوا الاكل علشان  انت  تقعد تتهبب .   ابوك ولا امك  تمشى بالمحطات   علشان ما تاخدش تاكسى  علشان الافندى  يركب تاكسى      و ما يشربش حاجه ساقعه فى الحر  علشان انت تروح تشرب  كانز  و تتمنظر بيها قدام زمايلك  ياختى حلوة انتى و هو وهى  جاتكوا القرف مليتو البلد 
ولا  الاب  والام  بيحسبوا هيصرفوا ايه طول الشهر علشان يتوفر فلوس للافندى اللى شغال على كروت الشحن  بحبك   يا  كذا يقفل مع دى بحبك يا كذا  و بردوا البنت  اسكتى الواد كان بيقولى كذا   و لا التمثليات  اللى بتحصل  



يا جماعة انتوا فاهمين الكليه غلط فاهمين الدنيا غلط والله

 الكلام موجه (للثانويه و الاعدادية   ) الموضوع بقى اوفر على الاخر

محمد زناتى

انفد بجلدك

لما واحدة  تحط صورة ممثلة او  واحدة حلوه  انفد بجلدك  
ولما  واحد   يستهبل  فيها  بردوا انفدى بجلدك  
ولما تحسى الواد على الشات رومانسى  انفد بجلدك  
ولما تحس البنت  بتدلع عليك فى الشات  من مرتبط  بردوا انفد بجلدك 
ولما  تلاقى طلبات صداقه على الفيس  والبروفيلات  زى الزفت انفد بجلدك 
ولما  تلاقى الشات مالهوش فايده وتضييع وقت  انفد بجلدك 
و لما  تلاقى  ناس بتكلمك  علشان تشتغفلك  انفد بجلدك
 و لما تلاقى  واحد بينافقك   انفد بجلدك  منه 
ولما تلاقى واحد  بيمدح بما ليس فيك  انفد بجلدك 
ولما  تلاقى  صاحبتك  وانتى بتحكيلها  على سر  او حاجه عن نفسك انفدى بجلدك 
ولما  صاحبك يلبسك فى الحيط علشان يهرب  هو  دا مش صاحب  انفد بجلدك 

ولما  يتزق عليك ناس علشان ياخدوا المعرفه اللى عندك   و يتريقوا عليك بعديها  انفد بجلدك  

و لما تحب حد  ما تحبش  حد الا وانت كلك واثق انه هيكون ليك فى النهايه  يعنى اتخطبوا  و الا انفد بجلدك  

ولما  واحد او واحدة  يحاول  يجرح مشاعرك  انفد بجلدك او اديله على اقفاه  وانفد بجلدك 

و مازالت القائمة  مفتوحه  و مستنى  تعليقاتكوا علشان تكمل القائمة 
محمد زناتى

احتياطى

انا عند ناس كتير واحد احتياطى ,,,,,,,, وقت لما يتنزنقوا ييجوا للمطبطباتى
فاكرنى عايش ليهم ,,,,,,, و اشتغلهم مطلباتى

محمد زناتى

نظريات موجود فى السوق

نظرية الفيزون خرمت الاوزون

نظرية السيس بيشتروا  كراريس

محمد زناتى  

حياة الاولاد و البنات هذه الايام

البنت دلوقتى بتخلى الواد زى الصابع فى ايديها
تلبسه و تقلعه على مزاجها
بتوديه البحر و ترجعه من غير ما يتبل من قطره واحدة
البنت دلوقتى بتلبس على مزاجها و لوحد اتكلم تقول تحرش جنسى
و لو الواد السيس لما يتكلم كتير و هو مش عارف يعمل ايه
و كل يوم مع بنت
و التليفون عامل زى سنترال ولا خدمه العملاء بتاعت موبينيل ولا فوادفون

مش عارف هيعملوا ايه
و الواد اللى عامل نفسه مقطع السمكه و ديلها
ولابنت اللى بتكلم 100 واد فى نفس الوقت
و كله بيلون على كله
و قال ايه حب
حبك برص يا بعيد انت و هو

و البنت اللى تخطط و الواد لما يخطط و كله بيقع فى خانه الحب
و كل شئ بيتكلم عن الحب
حتى الاغانى الهابطه اللى بتتكلم عن الحب
و كله بيقول حب
مش عارف والله نعمل ايه
ظاهره منتشره فى المجتمع المصرى و حاجه تقرف

و اللى يجلى يوقلى من الجيل الجديد حاجه عن حب
سواء ولد او بنت
هقوله كلمت كام بنت الاول ومشيت مع كام بنت الاول
وانتى مشيتى مع كام ولد الاول و كلمتى كام ولد الاول
وانتوا الاتنين وعدتوا كل واحد كام وعد
وخططوا انك تعيشووا مع بعض
و بتحلموا مع بعض فى التليفون و
الرزائل دى حلها ايه
انت بتكلم عن الجيل الجديد
علشان الدنيا دلوقتى حاجه بايخه
و اللى عاوز يتكلم عن الحب يتكلم من منظور محترم
علشان الشك دلوقتى مقطع الاولاد و البنات

و كل ولد لما بيجى يخطب بيفكر فى واحده متكلمتش مع اى حد نهائى
علشان هو كلم طوب الارض و دخل فى اعراض طوب الارض
و ضحك على بنات ناس كتير

و البنت كذلك بتعلب بقلوب الاولاد و البنت دلوقتى تلبس لبس ايه
شويه فيزون و شويه ............. ناقص يلبسوا لانجرى فى الشارع
والميك اب فول ابشن ليه كده

هههههههههه يا ولاد ......
و كلذلك الاولاد بردوا

مش عارف حل لو ولاد ......... قصدى على الاولاد بردو هههههههه

كفايه كده النهارد و لنا فى الحديث بقية و مستنى تعليقاتكم
و اى فلسفه هرد بسخافه عليه علشان الموضوع بقى بشع فى الشارع
مش مصدقنى بص من الشباك و شوف الناس عامله ازاى
و اللى هيوقلى متخليك فى حالك هقوله وانت مالك ما تعلقش على الموضوع بتاعى

محمد

كل الناس بتروح نوادى وانا قاعد فاضى

كل الناس بتروح نوادى وانا قاعد فاضى  مش عارف اخرج و لا اهاتى  بنفخ فى اربه مخرومه و اقول بكره هتبقى زبادى  و  طلعت ماسخة وعلقم  وانا مش عارف انادى فين  انا و فين الناس , ما بقتش عارف مين عندوا احساس يدونى شويه  علشان اعيش  خايف فيوم اقع فطيس  و عجبى 

كلماتى والله العظيم  :D
م/ محمد زناتى

انا مش فارس ولا فتى احلام

انا مش فارس ولا فتى احلام و لا انا راكب حصان ولا ماسك لجام انا يدوب واحد غلبان حب و مطالش و بكره هيطول واحده بنت ناس قلبها كبير وبكره نسمع الطبول هتخاف عليا و هخاف عليها دا انا بحمد ربنا انى وقعت فيها دى يا ناس زوجتى المستقلبيه محترمه وجميله و متدينه و طبعا متربيه مش هقول غزل ولا شعر فيها لانها طبعا مش زى البنات ديه :D:D:D::D
 هههههههههههههه

 اهديها لكل بنات
 تحياتى
 زناتى

الاحتقار

الى من ينظر الى بأحتقار  يا اخى يا اختى ما انا الا مثلك  او انعكاس لك فاذا ابتسمت سأبتسم  و اذا احتقرتنى اسف فهذه اخلاقك  ساترفع عنك  دائما
تنظر الى انى طمعان فيك  ارحمنى مفيش غير ابليس بيوسوس ليك , انسى او جنى   دا كلة من اعمال معاليك . لا انظر الى اى شئ فى يد غيرى بل سأدعو لك الله ان يزيدك و يزيدنى  , و اذا كنت اردت ان اكلمك فدا كان محبة فيك ولكن عندما عرفت انك  تحتقرنى  و انا اقل منك , فانا اسف  ما استنضفش  ارد عليك   ولا انظر لمعاليك  
فأنت كأى شخص اوهام رسمها لك كرهك ليك , اننى اشفقك عليك و اذا كنت فى يوم  كبير بكرة اشوفك  تحت الحديد  تقول انا انا هنا  و اقولك ان كان ليك رب يحيمك  ولكن نسيته و عصيتة  و  استقليت و استخفيت و كرهت اعز ما ليك  
دلوقتى بفضل الله  انا احسن من معاليك دا مش  مال ولا علم ولا مستوى علشان يكفيك  .  اما انا يكفينى عائلتى و حب الناس  
افضل من دا كلة ربنا سبحانه  و تعالى  و  فى الاخر هدعيلك ان ربنا يهديك .

تحياتى 
محمد زناتى

الغنى

ابتسم يا ولدى فالغنى غنى النفس مش فلوس  . دول افتكروها ماشية بالمعكوس .
ربك  العالم ان انت مش منحوس بس  هما فاكرين انك فقير معلش اصلهم هما تيوس
يا ولدى الغنى فى صحتك و قناعتك وليس فى مال ولا جاة و ربك لما بيرزق بيرزقنا كلنا من غير حساب و برحمتة بنعيش
ربك لما بيعطيك لازم تعرف انك زى اللى حواليك ويمكن احسن   , الرزق فى الرضا افضل و  الصحة انعم و الرزق فى المال خير و كل رزق له حساب  و متفتكرش ان الرزق بيد الناس  , استغفر ربنا و استعيذ من شر الوسواس  
دا الرزق بيد الله .  الغنى له اشكال و الوان  و تختلف من شخص لأخر 
والمالو البنون زينة الحياة   زى ما ربنا قال فى كتابة و اعملك هي خير و احسن  من اى شئ فلا تنظر بنظرة شماتة لمن اقل منك و انظر لبيتك و احمد ربك و اشكرة على نعمة التى لا تعد ولا تحصى 

تحياتى 
محمد زناتى

الهجر

طريقتنا فى الهجر  شرب زيت صبار 
 علشان طعمة مر  و علقم و نقول كلب و طار
يا صبر يا مفجوع ليه تنام عطشان 
 لو طال البعد بينا فية الف عنوان
يا صبر يا مفجوع ليه تنام عطشان
 انا وانت فى الدنيا ماشين و الغربة لينا عنوان
و ثالثنا كان ابليس و انا ليا من العجب بستان 
 اضربنا على قفانا و طلع ابليس كسبان
و رجعنا لكلام ربنا أنا العزيز الرحمن
بيع نفسك بيع روحك و ارجع لربك و قول انا الغلبان
لو زهقت من الدنيا بيعها و ارجع لربك وانت اكيد الكسبان
ملعون ابوكى يا دموع اخرك تشوفى عويل
انا دموعى لربى  مش محتاجة كفيل
مفيش وسيط ما بينا  و مفيش ما بينا دليل
لكنى مش قلقان علشان مش ذليل 
انا عبد للرحمن و مفيش غيرة بديل 

طريقتنا فى الهجر شرب زيت صبار
علشان طعمة مر و علقم و نقول كلب و طار
دا افتكر ان فى بعدة هعيش محتار
للأسف طلع بغل حمار
زهرة سنين فتحت على حلم كبير جبار
 احدد حياتى و احلامى و على حبايبى و اصدقائى اختار
الحلو و الطيب فيهم اما التانيين زى الشاكوش على المسمار
هتلاقى نفسك  سعيد  و هتعيش حياتك بأفتخار
و فى الاخر اقولك حب الناس اللى تحبك و ابعد عن اى بغل حمار
طريقتنا فى الهجر شرب زيت صبار علشان طعمة مر و علقم و نقول كلب و طار

تحياتى  
كلمات 
محمد زناتى